Zapatuan, 12:00etan ekingo diote egitarauari Eskilarapeko Ateneoan bertan, "marianitada" batekin. Brindisa egingo dute eta erakusketa berezi bat egongo da, espazioaren parte izan direnek lagatako argazkiekin. Hasiera-ekitaldia borobiltzeko, argazki jendetsua aterako dute. 13:30ean Kokein rock talde eibartarrak kontzertu akustikoa eskainiko du eta 15:00etan plazara pasako da festa.
Herri bazkaria egingo dute bertan eta, ondoren, zuzeneko podkasta egin eta rantxerak kantatuko dituzte. 18:00etan "salsa-batxata queer" dantza-fusio tailerra egongo da, Sebas Garciaren eskutik: eta 19:30ean, "13/12" karro-poteoa egingo dute Gazte Asanbladako kideek.
Kalez kale ibili ostean, Eskilarapeko Ateneora bueltatuko dira, eta, eguna mugitua izango bada, gaua ez da gutxiago izango: Hija del Nopalek, eta Alter Mk Dj Gaua eskainiko dute, 22:30etik aurrera.