Sallabente gainean, Uretamendin kokatua, Ezpilla zein Torreta baserrietatik gorako bideetan zehar ailegatzen zen bertaraino. Gaur egun Zuhaitz Eguna egiten den landetan zegoen hura, teilatutik hondatzen hasi eta behea jo eta ezbeharren bat gertatu aurretik, 1975ean Udalak bota egin zuen.
Ezker-eskuma Ernesto eta Jesutxo Santos Maiztegi, euren arbaso Ardantzatarrena izandako baserri aurrean. Aitxa Josek Kodak argazki-makina harekin atera zien erretratua egun hartako mendi bueltan. Irudia aspalditik dago Hanigan´s tabernak hormak apaintzeko duen Ermuko argazkien artean.