Haizete handi batek bota zuen intxaurra eta eraikinok beranduago joango ziren, etxebizitzak altxatzeko. Baserriaren beheko aldea ondo aprobetxatuta zegoen: sagarrak estutu eta sagardoa egiteko dolarea zuten bertan, Mallabiko baserritar askok burdian ekartzen zituztenak, eta ondoan zerrategi txiki bat, Madrilesek eta Kornelianeko Fernando Zubizarretak, Felix Errauskini Eitzagan oholak erosi eta kutxak egiten zituztena, tailerretako gauzak kanpora garraiatzeko. Sagasti ederrak zituzten Orozkonean: Mallabirako bidean, Betiondoko Kurutzean, Pagorbe parean… Urte erdirako sagarra egoten zen haien ganbaran, etxerako, ganaduei emateko, sagardoa egiteko… eta kupeletan gordeta iraun eragiten zioten, jatorduetan, pitxarretara aterata, huraxe edanez.
Vicente Yarza Ormaetxea (Ermua, 1871) eta bere emazte Francisca Sagarraga Aburruza, (Mañaria, 1872) euren Orozkoneko etxe parean jarrita. Andra-gizonok dauden harrizko jarlekua pixka bat okertuta egin zen apropos, etxean hazitako txerriak bertan hil eta odola batu ahal izateko, odolosteak egiteko. Eskuman dagoen eraikin txikia korta zen eta ezkerretara, intxaur-arbolak erdi ezkutatuta, Errebaleko kale-etxe bat.
ALBISTEAK ESKUKO TELEFONOAN
Ermuko eta Mallabiko albiste nabarmenenak, azken ordukoak, zozketak... momentuan jaso nahi dituzu? Harpidetu zaitez doan!
WHATSAPP: Batu Drogetenitturri kanalera eta aktibatu kanpaitxoa 🔕→ 🔔.
INSTAGRAM: Jarraitu @drogetenitturri kontua.
FACEBOOK: Jarraitu Drogetenitturri orrialdea.