Bertan daude atzetik hasita eta ezkerretik eskumara begiratuta Begoña Laka, Begoña Agirregomezkorta, Luis Mari Izagirre eta Domingo Solabarrieta. Aurrerago Aintzane Laka, Mª Ignacia Olañeta eta Florita Gorritxategi. Erdian Luisita Malkorra, Ana Mari Izagirre eta Ana Mari Altuna. Makurtuta aurrean Rosarito Ibaibarriaga, Begoña Telleria eta Agurtzane Salaberria.
Errepertorioan denetik zuten arren (“Aldapeko” betirako ikasi zuten orduan), ugariak ziren eliz-kantuak, jai erlijioso handienetako meza nagusian abesten zituzten: Santixau, Korpusti, Inmaculada, Pasko eguna… Ezkontzetarako ere deitzen zieten. Deseatzen egoten ziren Santa Zezilia eguna noiz ailegatuko, Herreronian afaria izaten zutelako eta haren osteko kantu saioa ere ez zelako makala. Taldeko partaideetako batzuk gerora Abeslariak eta Pizpillu abesbatzetako kide izan ziren.