Pasa den asteko astelehenean Mallabiko Udal Liburutegia itxi zuten obrak egiteko. Hobekuntza-lanak bukatu dituzte jada, eta aurrerantzean normaltasunez irekiko dituzte ateak, ohiko ordutegian. Argazkiak: Mallabiko Udala.
Mallabiko Udalak hobekuntza lan desberdinak egin ditu liburutegian, batik bat harreran zentratuak: altzariak berritu dira eta mostradore berria dago orain. Bertako lurra ere ordeztu da, baldosak jarriz. Horrez gain, hormak margotu dira eta hobekuntzak egin dira argiztapenean. Udal Liburutegitik gogorarazi dute ateak zabalik egongo direla beti bezala, arratsaldez, 16:00etatik 19:00etara.
Ermuko eta Mallabiko albiste nabarmenenak, azken ordukoak, zozketak... momentuan jaso nahi dituzu? Harpidetu zaitez doan!
WHATSAPP: Batu Drogetenitturri kanalera eta aktibatu kanpaitxoa 🔕→ 🔔.
INSTAGRAM: Jarraitu @drogetenitturri kontua.
FACEBOOK: Jarraitu Drogetenitturri orrialdea.