Zelai neba-arrebek, Bihurri aita-semeek eta —aurten debutatu eta aurten urrezko binakako txapela irabazi duen— Arkaitz Etxebeste aizkolariak ikuskizun bikaina eskaini zuten atzo, Orbe Kardinalaren plazan. Ederto asko disfrutatu zuten gerturatutako herritarrek zein urrunetik etorritakoek; tartean, ikuskizunarekin txundituta geratu ziren Ciudad Realeko familia batek (barruan argazkia).

Abuztuaren 14an, Umeen egunean, puzgarri eta apar-festa, trikitilariak eta elektrotxaranga, txokolatada eta pilota partidak egongo dira.

Andra Mari egunean, dantzaldia eta erromeria, karta eta harri-jasotze txapelketak, Tio Teronen semeak taldearen ikuskizun berria, bertso-saio musikatua eta Anariren kontzertua.

San Roke egunean, paella-marmitako lehiaketak, jubilatuen bazkaria, koadrillen jolasak, txerri erre jana, sagardoa doan... eta, borobiltzeko, kantuan eta dantzan bukatuko dira jaiak, erromeria eta Dj festarekin.