Cerodenero diskaren bira arrakastatsua izaten ari da oso eta, guztiz asetuta amaitzeko asmoz-edo, bira amaierako kontzertua BECean egitea erabaki du mallabitarrak. Datorren urteko maiatzaren 31n izango da (zapatua) eta iluntzeko 21:00etan hasiko da.
Aurrekoan Donostiko Belodromoan egin bezala, show berezia prestatzen ari da hitzordurako, gonbidatu bereziekin. Oraingoz bi artista bakarrik eman ditu ezagutzera: Olatz Salvador eta Baiuca.
Argazkia: Izaro Andres.
Sarrerak
Goizeko 9:00etatik aurrera jarriko dira salgai BECeko kontzerturako sarrerak, 39 euroan, izaromusic.com webgunean. 16-18 urteko adingabeak, aitaren, amaren edo legezko tutorearen baimenarekin bertaratu ahalko dira. 16 urtetik beherakoak, heldu batez lagunduta joan beharko dira. 6 urtetik beherako haurren sarrerak prezio murriztuan eskuratu ahalko dira, 10 euroan.
Zuzenean sarreren erosketa-orrialdea bisitatzeko egin klik hemen.