Jendetza eta giro aparta Hartzaren Egunean

Herenegun, ostirala, herritar pila batu zituen Hartzak kalejiran. Euria egin arren, eguraldia ez zen aitzakia izan eta —hasierako ibilbidea apur bat aldatuta— kalez kale, aterperik aterpe ibili ziren denak, trikitilari eta pandero-joleekin batera. Plazan amaitu zuten kalejira, Alboka Musika Eskolako bandarekin hartzaren koplak abesten, euriz eta musikaz blai.