Santa Anako Auzo Bulegoa sortu zenetik, energia-eraginkortasunarekin lotutako ekintza ugaritan parte hartzeko aukera izan dute bizilagunek: formazioak, tailerrak, hitzaldiak, aholkularitzak... Horrek guztiak ahalbidetu du Ermuko lehen energia-komunitatearen sorrera: "EkiElkar". Komunitate horren parte dira 45 etxebizitza, bertako komertzioak eta Eskolabarri ikastetxea, non drOp proiektuak finantzatutako planta fotovoltaikoa instalatu den:
Eskolabarri ikastetxea, plaka fotovoltaikoak instalatu aurretik eta ostean.
Horri esker, komunitateko kideek aukera dute energia berriztagarria kontsumitzeko, udaletik azaldu dutenez "energia-kostuak murriztuz eta deskarbonizazioari eta tokiko energia-erresilientziari aktiboki lagunduz".
Hurrengo pausuak
Orain, energia-kontsumoaren txosten zerbitzu pertsonalizatua garatzen ari dira, komunitatearen kontsumoa aztertu eta energia aurrezteko helburuarekin. Etorkizunean, energia-komunitateen proiektua Ermuko auzo desberdinetara zabaltzeko asmoa azaldu du udalak, "partaidetza aktiboan oinarritutako hiri-eredu jasangarriago eta energetikoki eraginkorrago baten alde".
