Goizeko 9etarako dena prest zegoen. Eskolako eta Azkaldeako zelaiak partiden hasieraren zain zeuden eta taberna bere lehen kafeak zerbitzatzen hasi zituen. 9:30etan hasi ziren partidak. Berdintasuna goizeko ildoa izan zen, nahiz eta batzuetan, markagailuak beste egoera bat suposatu. Prebenjamineko kategoriek ez zuten ez markagailu ez sailkapenik izan. Benjaminetan ordea, Ermua Blues izan zen garaile, Ermua CD bigarren eta Mallabia hirugarren. Sailkapenak sailkapena, denok izan ziren txapeldun. Goiza sari- eta opari-banaketarekin amaitu genuen.
Bazkaldu eta gero, saskibaloiaren txanda izan zen. Futbolean bezala, jokalariak zirrara handiz eta goiz ailegatu ziren eskolako frontoira beraien beroketak behar bezala egiteko, partiduetan fisikoki primeran egoteko xedearekin. Emaitzak hurrengoak izan ziren. Benjaminetan Mallabia izan zen lehen sailkatua, Ermua bigarren eta Elorrio hirugarren. Alebinetan, txapelduna berbera izan zen, herriko taldea. Bigarren eta hirugarren postuan egora elkar trukatu eta Elorrio bigarrena eta Ermua hirugarrena izan ziren. Berriro ere, denok garaile. Txapelketa sari- eta opari-banaketarekin itxi genuen.
Asteburuko futbol eta saskibaloi txapelketak benetako kirol eta elkarbizitza jaiak izan dira. Pozez betetzen gaitu hainbeste neska-mutil ikusteak gozatzen, ikasten eta giro osasuntsu eta dibertigarrian partekatzen. Zorionak eta eskerrik asko!
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!