Plazan taldeko argazkia egin ondoren, 80 parte-hartzaile inguru, Valdespinako parkera joan ginen, duela bi urte jarritako habia-kaxak jaso eta aztertzeko. Bertan txoriek nola eta zer material erabiltzen dituzten habietan aztertu genuen. Ondoren, Torretara joan ginen habia-kutxen beste adibide bat ikustera. Handik Txarara, Ongarai auzoko skate parkaren ondora hurbildu ginen. Hantxe, hainbat zuhaitz mota, parasitoak eta pikapinoek eta beste animalia batzuek utzitako arrastoak ikusi genituen. Ondoren, San Pelaio parkera jaitsi ginen (Tribuna tabernaren parera) eta hamaiketako ederraz gozatu genuen.
Jarduera amaitzean naturari buruzko gidoiak banatu ziren bertaratutakoen artean.
