Argazkiak ateratzeko leku bat egotea ohikoa zen entzute handiko jai eta erromeria guneetan, dekoratu koloretsuekin apainduta. Urte horretan Urkiolan jarritakoak marinel kutsura jo zuen eta belauntzien ondoan erretratatu ziren, ezkerretik eskumara, tente Agustina Gallastegi, Sabina Totorika eta Paulina Astarloa. Jezarrita Maria Gallastegi, Maria Totorika eta Dominga Uria. Autobusean egin zuten joan-etorria eta pozarren.