Plaza erdian Fruktuoso Bastidaren taberna parean, hortik deitua Frutuosoneko edo Bastidaneko, goiz-eguerdi partean jokatuko zen desafioa. Erretratuan aurrelari lanetan, buztarritik tiraka, Geria Barrenengo Juan Ostolaza Sarasua (1911-2003) eta atzean, harriari laguntzen Geria Agarreko Felix Longarte Agirrebengoa (1911-1998). Harriari laguntzeko egindako indarraren ondorioz, eskuak baba itzelak eginda ekarri zituen Felixek. Honen atzean, apustu-korredorea, ikuslegoaren artean trabesak, hau da, jokorako apustuak banatzen: “Honenbeste ultze, bai?”.