Aurten, otsailetik ekainera arteko jokoa izango da eta hilean behin jokatu ahal izango da. Jokoaren funtsa Mallabiari buruzko galderak zuzen erantzutean datza. Eta, hil bakoitzeko irabazleekin FINAL HANDIA egingo litzateke maiatz-ekaineko asteburu batean. Sariak egongo dira, bai hilero, baita final handian ere.
Galderak sare sozialetan eta kartel bidez zabalduko dira, baina erantzuteko orriak Mallabiko denda, taberna, liburutegi eta abarrekoetan izango dituzue.
Besterik ez, ez zaituztegu aspertu nahi-eta; kontrakoa, Mallabia ardatz izanda, euskaraz eta hilean behin, une dibertigarria izan dezazuen nahi dugu.
Animatu eta parte hartu "EZ ESAN" galdera-erantzunen jokoan.