Lehen bost hiletan hileko irabazlea izango du joko honek. Galdera guztiak asmatzen dituztenen artean zozketa izango da finalistak zeintzuk diren jakin ahal izateko, hil bakoitzean bi, hain zuzen ere. Ekainean, ordea, MALLABITARROK EGINA jardueraren baitan zuzeneko lehia izango du lehia honek, ekainekoa, hortaz, finaltzat hartu da.
Mallabiko hilez hileko galderen lehiaketa gaur abiatu da. Sare sozialak erabilita herrian zehar zabaldu dira hil honi dagozkion galderak. Erantzuteko, berriz, horretarako propio egindako galdetegia aurkitu ahal izango da Mallabiko udal lokaletan, taberna, denda eta abarrekotan. Beraz, parte hartu ahal izateko Mallabiko edozein txokotara hurbiltzea baino ez dago, galdetegia eskatu, irakurri, pentsatu, idatzi erantzunak eta....kito!