Mallabiko Udalak autobusa jartzeko asmoa du martxoaren 3an, Lilatoian parte hartzen duten emakumeentzat. Autobusa petriletik irtengo da martxoaren 3an, goizeko 8:30ean; eta 18:30ean bueltatuko da Donostitik.
Buseko plaza eskatzeko gerturatu Udaletxera edo Kultur Etxera otsailaren 23a (ostirala) baino lehen.
Dortsalen inguruko oharra
Oraindik ez daude eskuragarri, baina Lilatoian inskribatutako mallabitarrek Eibarren jaso ahalko dituzte dortsalak eta kamisetak, Intersport Askasibar kirol dendan.
Edozein pertsona gerturatu daiteke batzera; hori bai, parte-hartzailearen datuak erakutsi behar dira:
- Izen-abizenak
- NANa
- Inskripzioaren ordainagiria
