Biharko Izarrak txapelketa hasiko da gaur

Ander Gomez 2024ko api. 4a, 08:20

2023ko finala eta sari banaketa. Argazkia: Julen Uribe (IG: @argazki.julen).

XX. edizioa izango da aurtengoa eta emakumeek jokatzen duten hirugarrena. Aldaik eskuratu zituen aurreko bi txapelak eta aurten ere lehiatuko da. Gizonezkoetan, De la Fuente eta Lizeaga izan ziren garaile iaz, eta formatua berbera izango da: 8 aurrelarik eta 8 atzelarik hartuko dute parte, bi multzotan banatuta eta jardunaldi bakoitzean bikotekide desberdinarekin jokatuz.

Gaur, osteguna, gizonezkoen lehen bi partidak jokatuko dira.

Biharko Izarrak txapelketaren XX. edizioa hasiko da gaur, 20:45ean, Mallabiko pilotalekuan.

Emakumezkoak lau t'erdian arituko dira eta lau jokalarik hartuko dute parte: Enara Gamindek (Lea Ibarra), Miren Larrartek (Behar Zana), Amaia Aldaik (Lea Ibarra) eta Leire Garaik (Zaramaga). Gizonezkoak bi multzotan banatu dira eta, txapelketan zehar, multzo bereko aurrelari guztiak atzelari guztiekin konbinatuko dira:

	AURRELARIAK	ATZELARIAK
1.MULTZOA	Unai Amiano AURRERA TOLOSA Iker Egiguren ILUNPE Xabier Rekalde TXUMULUTXUETA Beñat Zubizarreta LAPKE	Aingeru Bernaola LEA IBARRA Unax Landa OIARPE Aratz Oliden LAPKE Julen Sotil LARRAUN
2.MULTZOA	Beñat Apezetxea UMORE ONA Oihan Etxeberria OIARPE Jorge Fernández SAN COSME Oier Hormaetxe LEZAMA	Unax Apeztegia OBERENA Adrian Azpiroz IRURTZUN Urko Bullón TXUMULUTXUETA Carmelo Loza BARBERITO I

Gaurkoan, gizonezkoek bakarrik jokatuko dute eta bi partida izango dira: Amiano-Landa vs Rekalde-Sotil; eta Fernández-Apeztegia vs Apezetxea-Bullón.

Hurrengo hitzordua gaur zortzi eta ordu berean izango da (apirilaren 11n, 20:45ean). Rekalde eta Apezetxea aurrelariek errepikatuko dute, beste bikote batekin: Hormaetxe-Azpiroz vs Apezetxea-Loza; eta Zubizarreta-Bernaola vs Rekalde-Oliden. Emakumezkoen lehen data apirilaren 18an izango da, eta pilota elkarte bereko (Lea Ibarra) Gaminde eta Aldai lehiatuko dira.

Kirola Mallabia