Bihar (apirilak 27) ospatuko dira San Jurki jaiak Mallabiko Berano Txiki auzoan.
Ohi den bezala, mezarekin hasiko da eguna, 11:30ean. Amaitutakoan, 12:30 aldera, dantza erakustaldia egingo dute Mallabiko dantzariek eta, ostean, haurrentzako jolasak prestatu dituzte jai batzordetik. Auzo-bazkaria 14:30ean izango da eta, aurten ere, Gauargi erromeri taldeak girotuko du arratsa.
Argazkia: Araitz Barruetabeña.
17:30ean hasiko dira eta bi orduko emanaldia egingo dute, euskal kantu zahar zein egungoekin kantuan ipiniz haur eta nagusi. Bukatzean, Aiama taldeko gazteen baxu, bateria eta gitarrek astinduko dute auzoa.
*Oharra: Posible bada, oinez igotzeko eskatu dute antolakuntzatik.