Maiatzaren 18an burutuko da 7 Pago lasterketaren lehen edizioa: 9:30etan ibilbide luzeko lasterkariak abiatuko dira (25km) eta 10:00etan ibilbide laburrekoak (16km). 25-20 euroko kostua dute hurrenez hurren eta izena emateko aukera domeka honetan amaituko da. Inskribatutakoek segurua, kronometrajea... eta Mallabian ekoiztutako produktu sorta izango dute opari:
- Orbea Hiru poltsa
- Orbea Hiru galtzerdiak
- Onandi gazta (1/4)
- Estakua Yogurrak
- Talo bono bat
Dortsalak eta opariok ostiral arratsaldean (hilaren 17an) edo zapatu goizean (lasterketa egunean bertan) jaso ahalko dira. Izena emateko egin klik hemen.
Kamisetak boluntarioentzat
Horrez gain, mendi lasterketaren kamisetak egin dituzte baina, hauek, lasterketaren bezperan eta egunean bertan boluntario lanak egingo duten lagunek izango dituzte opari. Dena den, edonork eskuratu ahal izango ditu: Bi modelo daude, berdea eta okrea, eta lasterketa egunean bertan erosi ahalko dira.
