Jarraian proiektatuko diren filmak eta bakoitzaren sinopsiak:
MANTING
15 MIN
Shuyai Chen
Manting, 60 urteko txinatar emakume bat, nerabezaroko maitale batekin elkartu da, beren ikaskide ohi bat hil ondoren. Karaoke batean egon eta gero, elkarrekin emango dute gau guztia, hirian barrena hara eta hona.
- Hizkuntza: Txinera.
- Azpitituluak: Euskaraz eta gaztelaniaz.
DENA ASMATUTA DAGO
14 MIN
Jone Arriola
Antigoaldeko estetika daukan bainugela arrosa bat. Bainugelaren erdian, bainuontzi batean, bi gazte erlaxatzen ari dira, porru bat erretzen duten bitartean.
- Hizkuntza: Euskara.
- Azpitituluak: Gaztelaniaz.
ANALOG Z LOVE
3 MIN
Alicia Arwgar
Neska batek audio batean kontatzen du nola ezagutu zuen beste neska bat autobus-geraleku batean. Nola hasten da ezezagun bat zure arretagune nagusia izaten?
- Hizkuntza: Ingelesa.
- Azpitituluak: Euskaraz eta gaztelaniaz.
PRECOZ
15 MIN
Alejandro Aguirre
Mikelek jakin du berarekin sexu-harremanak izan dituen pertsona batek positibo eman duela GIB proban. Beldurtuta eta informazio gutxirekin, arratsalde batez aurre egin beharko dio kutsatuta egoteko aukerari.
- Hizkuntza: Gaztelania.
- Azpitituluak: Euskaraz.
FLORES DE OTRO PATIO
15 MIN
Jorge Cardena
Kolonbiako Kariben, queer aktibisten talde batek arau heteropatriarkalei aurre egingo die. Bien bitartean, beste kausa batzuetan inplikatuko dira, beren eskualdean sufritzen dituzten bidegabekeria sozialak kolektiboki salatzeko.
- Hizkuntza: Gaztelania.
- Azpitituluak: Euskaraz.
LA TENTATION DU PANDA ROUX
20 MIN
Haïga Jappain
Annak 35 urte ditu, eta maitasun istorio idiliko bat bizitzen ari da Marielekin. Menopausia goiztiarra daukala jakiten duenean, erlojupeko lasterketa bati ekingo dio haurdun geratzeko.
- Hizkuntza: Frantsesa.
- Azpitituluak: Euskaraz eta gaztelaniaz.