Goitondo eta Ermua lotuko dituen saneamendu sarearen proiektua abian da. Obrek 3.800.000 euroko kostua izango dute eta URA Uraren Euskal Agentziak finantzatuko ditu bere osotasunean.
Bertako saneamendu-azpiegitura "nabarmen" hobetzeaz gain, ingurumenean ere "eragin positiboa" izango duela adierazi du Mallabiko Udalak: "Kutsadura murriztuko da eta Zabaleta ibaia babestuko da, ekosistema osasungarriagoa lortzeko”. Guzti honek, Goitondoko enpresetako langileen eta Mallabiko bizilagunen bizi kalitatea hobetuko duela azaldu dute.
