Irailaren 20an, “Ikasturte Hasierako Festa” ospatuko da. AD Mallabia FTk antolatutako ekintza da eta herriko txikienak gonbidatu dituzte hitzordura.
Ostiral arratsaldean, 16:00etan hasita, askaria eta txokolatada eskainiko dituzte Mallabiko eskolan. Ondoren, haur eta gazteentzako jolasak egongo dira: alde batetik Igel txapelketa (12 urtetik gorakoentzat) eta egurrezko jostailuak bestetik, txikienentzat. 18:30ean, frontoira pasako da festa eta, bertan, haurrentzako "Gaur jaia" dantzaldia egongo da.
Ping-pong txapelketa
Domekan, goizeko 11etan, ping-pong txapelketa jokatuko da eskolako frontoian. Ekintza hau ere 12 urtetik gorakoentzat izango da eta doan eman ahalko da izena. Txapelketako lehenengo bi postuetan geratzen direnek garaikurra izango dute sari eta gainontzekoek oparitxoa jasoko dute, parte hartzearren soilik.