SALTO! udalekuetan izena emateko epea zabalik

Drogetenitturri 2025ko mar. 14a, 07:56

Martxoaren 1ean ireki zuten SALTO! udalekuetan izena emateko epea eta hilaren 31ra arte egongo da zabalik. UEMAren ekimena da, eta 2007 eta 2010 urteen artean jaiotako gazteei zuzenduta dago. Bi txanda izango ditu: ekainaren 22tik 30era eta uztailaren 2tik 10era.

Bideoan Mallabiko eta beste herrietako gazteen irudiak, aurreko edizioetan. Iturria: UEMA.

SALTO! udaleku ibiltari euskalduna da, gazteek elkar ezagutu, harremanak sendotu eta euskaraz bizitzeko esperientzia aberasgarria izan dezaten. Sustatzen diren balioen artean daude parekidetasuna, aniztasunarekiko errespetua, naturarekiko harremana eta parte-hartzea. 2025eko edizio honetan, 120 gaztek parte hartu ahal izango dute guztira, 60 laguneko bi taldetan banatuta. Baliarrainen hasiko da ibilbidea, eta parte-hartzaileek Zaldibia eta Ataun zeharkatu ondoren Idiazabalera iritsiko dira. Egunero, hainbat jardueraz gozatzeko aukera izango dute: mendiko ibilaldiak, tailerrak, kontzertuak, hausnarketa saioak eta jolasak. 

Udalekuaren prezioa 175 eurokoa da eta formulario honetan eman daiteke izena.


Oharra: Eskabide kopurua eskuragarri dauden plazak baino handiagoa bada, parte-hartzaileen hautaketa lurraldetasuna, genero irizpideak, adina eta izen-emate ordena kontuan hartuta egingo da.