IRAKASLEEN GREBA

Mallabiko irakasleen kexa: "Ez dira gurea bezalako eskola txikien beharrak kontutan hartzen"

Ander Gomez 2025ko mai. 7a, 17:15

Irakasleak gaurko elkarretaratzean. Argazkia: Igone Amesti.

Datorren asteko bost eguneko grebari lotuta, Mallabiko irakasleek elkarretaratzea egin dute gaur goizean eskolako atean, "Hezkuntza publikoan lan-baldintzak hobetu" lemapean.

Astelehenetik ostiralerako greba deialdia eta zapatu honetako EAEko hiriburuetako mobilizazioen aurretik, elkarretaratzea egin dute Mallabiko Learreta-Markina eskolako irakasleek, greba deialdiarekin eta sindikatuek zabaldutako manifestuan esandakoarekin (irakurri hemen) bat egiten dutela adieraziz. Azaldu dutenez, eskolan "baliabide pertsonal falta" eta hortaz "lan-karga gehiegi" dago. Horrez gain, eskola txikia izanik, dauzkaten aparteko ezaugarri eta berezitasunak "sarritan ez direla kontutan izaten" salatu dute.

Aurreko grebek %100eko jarraipena izan dute Mallabian, zerbitzu minimoak mantenduta. Datorren asteko jarraipena berdina izatea espero den arren, egunean bertan argitaratuko dira datu ofizialak —bai Mallabikoak, bai Ermukoak— Drogetenitturri.eus atarian.

ALBISTEAK ESKUKO TELEFONOAN

Ermuko eta Mallabiko albiste nabarmenenak, azken ordukoak, zozketak... momentuan jaso nahi dituzu? Harpidetu zaitez doan!

WHATSAPP: Batu Drogetenitturri kanalera eta aktibatu kanpaitxoa 🔕→ 🔔.

INSTAGRAM: Jarraitu @drogetenitturri kontua.

FACEBOOK: Jarraitu Drogetenitturri orrialdea.