Paellak itxura ederra zuten, tartera itzeletan batzuk eta txikiagoetan beste mordotxo bat. Oilaskoarekin, berdurekin, arrain kontuetara jota… mota desberdinetakoak ikusten ziren. Marmitakoek ere bor-bor sentitzen ziren lapiko sakonetan. Goizean aritu beharra egon zen eguerdiko ordu bietarako epaimahaiaren aurrean itxuran aurkeztu ahal izateko. Begok eta Imanolek lanak izan zituzten erabakitze kontuokin, 12 paella eta 5 marmitako frogatu behar horrekin. Azkenean sarituak suertatu ziren Alberto Gallastegi eta El Correo kuadrillaren marmitakoak, eta Beñat Pildain eta Iñaxio Solozabalek euron lagun taldearekin jan aurretik aurkeztutako bi paellak.