Zubitegi Kirol Parkean egindako azterketa baten ondorioz, bertako parajea egokitzea beharrezkotzat jo du Mallabiko Udalak. Aurreikusitako esku-hartzeen artean daude zuhaixka herrestariak eta landare igokariak landatzea. Lan hauek hormigoizko hormak eta parkeko ezpondak estaltzea dute helburu. Landaketa udazkenean egingo da, azaldu dutenez, “urtaro honetako tenperaturek sustraiak behar bezala finkatzea ahalbidetzen dutelako eta, ondoren, hilabete hotzenetan, berauen hazkundea bermatuko delako”.
Lorezaintza lanak CENGOTITA Flores y Plantas SL enpresari esleitu zaizkio, 7.240,86 euroko aurrekontuarekin.