Abenduaren 14an, SD Eibarrek Atletico de Madrid futbol taldearen kontra neurtuko ditu indarrak etxean eta talde armaginak norgehiagoka ikusteko sarrerak oparitu dizkio AD Mallabia FTri. Horrela, Superigandeetako taldea osatzen duten umeek egun bereziaz gozatzeko aukera izango dute. Partida 12:00etan jokatuko da, Ipuruan, eta bertara joateko autobusa 11:00etan irtengo da petriletik.
Arratsaldean, Superigandeko ohiko ekintzak mantenduko dira: 16:00etatik aurrera, zinea, bingoa eta mahai-jokoak izango dituzte gozagarri. Igande honetako pelikula "Los Pitufos" izango da.
Taldetik "pozik" agertu dira "gure haurrei lehen mailako futbol profesionala ezagutzeko eta gozatzeko aukera eman ahal izatearren", eta SD Eibarri eskertu diote oparia.