Antzezlana

12:30

Las Poderosas

Gure bizitza, bai, indarkeriak jo zuen, baina gure indarrarekin eta ahuleziekin atera ginen. Eta kanpoan, denborarekin, konturatu ginen indarkeriak etengabe jarraitzen duela Guatemalako emakume gehienen gainean, eta baita gure gainean ere, kolpeak baino modu sotilagoetan, baina ez kolpeak baino suntsitzaile gutxiago. Beraz, antzerkia egitea erabaki genuen, jarri zizkiguten tranpak astintzeko, bideak partekatzeko eta oraindik jazarri nahi gaituzten mamu batzuen aurpegian barre egiteko, eta biktimatzat jarri nahi izan ziguten karteltxoa betiko ateratzeko. Tokia: Lobiano Kulturgunea. Hizkuntza: Euskara. Sarrera: Doan.

20:30

Macho grita

Macho grita (Crónica de mi propia ignorancia sobre la Historia de España) komedia musikal bat da, Don Juanen mitotik abiatzen dena, gure orainaren eta 1492. urtean inauguraturiko zikloaren arteko lotura aztertzeko. «Errekonkistarako», «Amerikaren aurkikuntzarako» edo judu eta moriskoen kanporatzerako hurbiltze pertsonala da, lurralde honetan «matxo-izaera» nola eraikitzen den umorez gogoeta egiteko. Gaur egungo bizitzarako balio dezaketen gauzak ulertzeko itxaropentxoarekin Espainiako historia ikusezinera (edo ikusezin bihurtutakora) gerturatzeko gogotik sortu da. Izan ere, menderatze-gogoaren eta harrapari-grinaren gainean eraiki ditugu gure gizarteak, eta orain akabatu egin gaitzakete. (Alberto San Juan) Sarrera: 12 euro.

20:30

El bar nuestro de cada día

El bar nuestro de cada día umorezko monologo musikala da. Tabernak aldarrikatzen ditu, ez soilik aisialdirako leku gisa, bizitza eta gu geu gurtzeko leku gisa ere bai.Antzokia taberna bihurtuta, Antonio Romera Chipik, El Bar Nuestro de Cada Día tabernako zerbitzariak, Malandro zenaren azken borondatea bete beharko du. Malandro ohiko bezeroa zen, eta nahiago izan du tabernan jai bat ordainduta utzi beilatokiko ohiko ehorzketa bat baino. Chipik zeremonia pagano bat inprobisatzen du Malandrorentzat, zenduak eskatu bezala, bera hil izanagatik negar egin beharrean bere bizitza ospatzeko jai bat egin dezaten lagunek. Sarrera: 12 euro.

17:00

"Semaforoa" haur ikuskizuna

Enekok ez die kasurik egiten semaforoei. Berehala lortu nahi ditu gauzak eta, horregatik, semaforoak oztopo bat dira berarentzat. Amets izeneko ezezagun batek bizitza lasaiago hartzeko eta gehiago jolasteko proposamena egingo dio. Baina Enekok ez dio kasurik egingo eta, behin, semaforoa gorrian dagoela, bidea zeharkatu eta ziztuan igaroko den argi erraldoi batek, ia-ia bertan irentsiko du. Sustoarekin ametsezko mundu batean sartuko da eta semaforoko pertsonaiek bizia hartuko dute, abentura dibertigarri bat proposatzeko. Baina Enekok ez daki zer egin, lehen bezala jarraitu ala semaforoko izakitxoek proposatzen diotena egin.“Semaforoa” antzezlan multimedia bat da, antzerkia, bideo-animazioa, interakzioa eta musika biltzen dituena. Sarrera: 4 euro.