Athletic-Mallorca Kopako finalaren bueltako argazkiak bidaltzeko deialdia zabaldu du Drogetenitturrik. Jasotako irudi guztiak argazki-sorta batean bildu eta webgunean argitaratuko dira, finala jokatu ostean.
Argazkiak helbide elektronikoz bidali beharko dira:
- Hartzailea: drogetenweb@gmail.com.
- Gaia: Ermutik Sevillara / Mallabitik Sevillara.
Beharrezkoa izango da:
- Sevillan egindako argazkiak izatea.
- Egungoak, gaurdanik apirilaren 6ra bitartean ateratakoak.
- Irudiko protagonista nagusiak ermuarrak edo mallabitarrak izatea.
Lehenetsiko dira:
- Formatu horizontaleko argazkiak.
- Taldearen kamiseta edo bestelako apaingarriak daramatzatenak.
Oharra: Sevillara doazen RCD Mallorcaren zaleen argazkiak ere onartuko dira.
Animatu eta bidali zuen argazkiak!