Gaztedi Durangaldea planak eskualdeko 16 eta 29 urte bitarteko gazteen garapen integrala sustatu nahi du. Horretarako, 2024ko hiru proiektu nagusiak aurkeztu ditu: Podgazt, I'm Bizi eta Gaztekimen. Jarraian bakoitzaren xehetasunak:
Podgazt
Podcast plataforma honek Durangaldeko eta orokorrean Bizkaiko gazteentzako interesgarri izan daitezkeen gaiak landuko ditu: osasuna eta kirola, kultura, sexualitatea, etxebizitza eta emantzipazioa, aniztasuna eta dibertsitatea... 16 Podgazt grabatu dituzte eta ikus-entzunezko edukien bitartez "gazteen parte hartzea eta interakzioa" bilatuko dute.
I´m Bizi
Aurten ere, I'm Bizi proiektua jarri da martxan, gazteak etorkizun akademiko eta profesionalera orientatzeko eta Durangaldeko talentua sustatzen laguntzeko helburuarekin. Bi fasetan banatuko da: lehenengo, hezkuntza zentroetako ikasleei inkesta bat pasatuko zaie, enpleguaren eta beraien etorkizun profesionalaren ingurukoa; ondoren, I'm Bizi 2024 ekitaldia egingo da eta jokoak, lehiaketak, mahai-inguruak eta autoezagutza etahausnarketa ekintzak burutuko dituzte.
- DATA: Azaroak 21-22.
- LEKUA: Zornotzako Zelaietako Frontoia.
Gaztekimen
Oinarrizko Lanbide Heziketako ikasle gazteek "eskualdearen hobekuntzan, lankidetza-espirituan eta gizarte-kohesioan" oinarritutako proiektuak garatuko dituzte, hiru fasetan: lehenengo biak ikasgeletan egingo dira, eta prestakuntzan eta proiektuen sorkuntzan oinarrituko dira; bukatzeko, aurkezpen-ekitaldia egingo da eta ideia onenek saria jasoko dute.
Informazio gehiagorako bisitatu gaztedidurangaldea.eus webgunea.