Azaroaren 22an (gaur) ospatzen da Santa Zezilia, musikarien patroiaren eguna, eta Ermuko eta Mallabiko talde desberdinek musika eta dantza ikuskizun bereziak prestatu dituzte.
Gaur Ermuan
Alboka Musika Eskolak, Txindurri Txistu eta Dantza taldeak eta Pispillu Abesbatzak antolatuta, musika eta dantza ikuskizuna egongo da gaur, 20:30ean, Ermua Antzokian. Sarrerek 3 euroko kostua dute. Fisikoki eros daitezke jada Lobianon Kulturgunean, Kutxabank-en kutxazainetan eta emanaldia hasi aurretik Ermuko Antzokiko leihatilan. Bestela, sarean zuzenean erosteko aukera ere badago, hemen.
Mallabian bihar
Kontzertu berezia eskainiko dute bihar Mendibil Abesbatzak, Trikitixa Eskolak eta Ozaetako Kataliturri Abesbatzak, 19:00etan hasita, elizan. Doakoa izango da eta emanaldia amaitutakoan musikarien patroiaz aparteko beste ospakizun batez disfrutatzeko aukera izango dute mallabitarrek, Gaztañerrez!
