Kantauri itsasertzeko ibilbideari ekin diote Artarraiko 100 lagunek

Ander Gomez 2025ko ots. 25a, 13:09

Donibane Lohizune - Hondarribia etapako talde argazkia. Irudia: Artarrai M.T.

Artarrai Mendi Taldeak Kantauri itsasertzeko ibilbidea proiektua jarri du martxan. Zapatu desberdinetan egun bakarreko etapak egingo dituzte, lehenengoa asteburu honetan egin dute eta ibilbide osoa hiruzpalau urtean egitea aurreikusi dute.

Horrez gain, asteburu honetarako aurreikusita zegoen irteera martxoaren 8ra pasa dela gogorarazi dute.

Otsailaren 22an, pasa den zapatuan, Donibane Lohizunetik Hondarribirako ibilbidea egin zuten Artarrai Mendi Taldeko lagunek. Kantauri Itsasertzeko Ibilbidearen lehen etapa izan zen eta 2025ean ibilbide honen baitako beste bi etapa egingo dituztela iragarri dute (momentuz datak zehaztu barik).

Asteburu honetako irteera hurrengo astera pasa dute

Martxoaren 1ean egitekoa zen Trespaderne - Castillo las Cuevas irteera hurrengo zapatura atzeratu da. Martxoaren 8ko Pirinioetarako irteera bertan behera geratu da eta data horretara pasa dute Burgosko hitzordua. Hortaz, martxoaren 8an (zapatua) goizeko 8etan elkartuko dira mendizaleak Agirre Kirolak parean. Busak 10 euroko kostua du (12 euro bazkide ez direnentzat), bestela, irteera doakoa da.


Hurrengo irteeraren helmuga, Castillo las Cuevas (Burgos). Argazkia: Txemi López.

Trespaderne - Castillo las Cuevas ibilbidearen inguruko informazio guztia jaso nahi dutenek ibilbide honetarako espresuki sortutako Whatsapp taldera batu daitezke. Talderako gonbidapena hemen.