Porrotx, Marimotots, Pupu eta Lore Ermuan izango dira datorren ostiralean

Drogetenitturri 2025ko mar. 22a, 08:01

Martxoaren 28an (ostirala) Katxiporretako pailazoak etorriko dira Ermura eta Ostirala iritsi da!  ikuskizuna aurkeztuko dute Antzokian. Bi saio izango dira, bata 17:00etan hasiko da eta 19:00etan bestea.

Honela dio Ostirala iritsi da!  ikuskizunaren sinopsiak: "Gaur egun berezia da eskolan. Porrotx, Marimotots, Pupu, Lore eta bertaratutako lagunek Txapas irakaslearekin batera, bere azken laneguna igaroko dute, elkarrekin ikasitakoa ospatuz. Basoa, jolasak, eskulanak, kantuak, irriak eta bihurrikeriak ez dira faltako. Txapasekin beti da ostirala!".

2 sarrera irabazteko aukera

Drogetenitturri.eus atariak bi sarrera zozkatzen ditu bere irakurleen artean. Gainera, bi saio egongo direnez, irabazleak hobekien datorkion emanaldia aukeratu ahal izango du. Beraz, eman izena lehenbailen HEMEN eta, Porrotxek eta Marimototsek esan bezala: "Jantzi sudur gorria eta zatoz Txapasen kaxa magikoek gordetzen dituzten sekretuak ezagutzera!".

Martxoaren 26an (datorren asteazkenean) amaituko da parte hartzeko epea, eta irabazlea zozketaren orrialdean eta Drogetenitturriren sare sozialetan jakinaraziko da.