Honela dio Arizonaren sinopsiak: "Margareth (Aitziber Garmendia) eta George (Jon Plazaola) Arizonako mugaraino heldu dira. Lehenengoa, amets batekin: Musikal bat egitea. Bigarrena, misio bat betetzera, 'Proiektuak' hala aginduta: Bizilagunengandik banatzen gaituen muga marrazten den lekuraino joan eta hura defendatu. Baina defendatu norengandik? Zelatan, ezkutuan, gurutzatzeko aukera txikienaren zain dauden hoiengandik. Eta zergatik nahi dute guregana etorri? Galdera gehiegi Georgen adimen zurrunarentzat eta erantzun gutxi Margarethen jakinmin aseezinarentzat."
Juan Carlos Rubiok idatzitako antzezlanak AEBk Mexikorekin duen mugan kokatzen gaitu, baina Behobia edo Melilla izan zitekeen. Mugei, migrazioari, giza ergelkeriari eta manipulazioaren mugei buruz hausnartzen duen testua da, bere pertsonaiak ikuspegi tragikomiko batetik aztertzen dituena.
2 sarrera irabazteko aukera
Drogetenitturri.eus-ek bi sarrera bikoitz zozkatuko ditu irakurleen artean. Zozketan parte hartu nahi dutenek izena eman dezakete HEMEN. Datorren asteazkenean amaituko da epea, 12:00etan, eta irabazleen izenak 13:00etan jakinaraziko dira lotura horretan bertan.
Bestela ere, sarrerak zuzenean eskuratu daitezke, 12 euroan: Lobiano Kulturgunean, online erosita edo egunean bertan Antzokiko leihatilan, emanaldia hasi baino ordu erdi lehenago. Sarrerak erosteko egin klik hemen.
Albiste guztiak momentuan jasotzeko Drogetenitturriren WhatsApp kanalera batu eta aktibatu kanpaitxoa 🔕→ 🔔