Izaskun Garcia Arreguiri tokatu zaizkio gaurko "Arizona" antzezlana ikusteko sarrerak

Drogetenitturri 2025ko api. 4a, 10:03

Aitziber Garmendia eta Jon Plazaola taulagainean, "Arizona" antzezten. Argazkia: GITB.

Gaur, ostirala, "Arizona" antzezlana eskainiko dute Aitziber Garmendiak eta Jon Plazaolak Ermua Antzokian. Drogetenitturrik 2 sarrera jarri zituen zozketan pasa den zapatuan eta asteazkenean amaitu zen izena emateko epea.

Drogetenitturri.eus atariak gaur 20:30ean eskainiko duten "Arizona" antzezlana ikusteko bi sarrera zozkatu ditu bere irakurleen artean. 18 mallabitarrek/ermuarrek eman dute izena eta Izaskun Garcia Arregui suertatu da irabazle (ikus zozketaren orrialdea emaitzarekin hemen). Gainontzeko herritarrek 10 euroan eskuratu ahal dituzte sarrerak: Lobiano Kulturgunean, online erosita (hemen) edo gaur arratsaldean Antzokiko leihatilan bertan, emanaldia hasi baino ordu erdi lehenago.


Hurrengo zozketen berri izateko... batu Drogetenitturriren Whatsapp kanalera eta jarraitu Facebook orrialdea!