Ander Moya Memoriala
Ermua Blues C.D. klubaren 7ko futbol txapelketa solidarioak laugarren edizioa ospatuko du aurten eta 300 neska-mutil batzea espero dute. Klubeko 14. jokalaria izandako Ander Moya oroitzeaz gain, txapelketak helburu solidarioa du. Sarrerek 2 euroko kostua izango dute eta zozketa txartelak ere salduko dira, 1 euroan. Jasotako diru guztia Martín Álvarez Muelas Fundaziora bideratuko dute Ander Moyaren gurasoek, haurtzaroan agertzen den DIPG garuneko tumore erasokorraren ikerketan laguntzeko.
2023ko talde argazkia, txapelketa jokatu ostean. Argazkia: Ermua Blues.
Ander Moyaren omenezko txapelketa 09:00etan hasiko da, Betiondoko futbol zelaian.
Mallabia Cup
Bizkaiko zazpi taldek hartuko dute parte. 09:30etan hasiko dira futbol txapelketarekin, azkaldean eta Learreta-Markina eskolako frontoian. Benjamin eta prebenjamin mailetako Ermua CD, Zaldua KE, Ermua Blues, Cultural Durango eta AD Mallabia FT taldeek hartuko dute parte.
Arratsaldean, saskibaloiaren txanda izango da: 15:30etan hasiko dira norgehiagokak eta, oraingoan, eskolan jokatuko dira denak. Alebin eta benjamin mailako Saski Ermua, Elorrio KT eta AD Mallabia FT lehiatuko dira.
Egin klik kartelak OSORIK ikusteko:
