Maiatzaren 18an jokatuko da 7 Pago mendi lasterketa Mallabian, eta probarako zein aurreko eguneko prestaketa lanetarako lagun bila dabiltza.
Boluntarioek izango dituzten arduren artean daude, besteak beste: Anoa puntuen muntaia, hornidura eta arreta; aparkalekuetan eta kontsignetan antolakuntza eta zaintza lanak egitea; eta bide gurutzeen zein ibilbide orokorraren seinaleztatzeaz arduratzea.
WhatsApp bidez
Interesa dutenentzat WhatsApp talde bat sortu dute eta batzea besterik ez dute eskatzen: 7 Pago WhatsApp taldea. Bertan jaso ahalko da informazio guztia eta bertatik koordinatuko dituzte boluntario lanak, orduak, datak eta bestelako zalantzak.
Lasterketan parte-hartzaile bezala inskribatzeko, sartu kronoak.com webgunean eta bilatu "Zazpi Pago Mendi Laskerketa" maiatzeko hitzorduetan.
