Bihar burutuko da 7 Pago mendi lasterketa, egun osorako egitarauarekin

Maiatzaren 18an (zapatua) egingo da 7 Pago mendi lasterketaren lehen edizioa, elkarte homonimoak antolatuta.

Dortsalak eta opari poltsak

Izen-emateak itxita daude dagoeneko eta dortsalak Kontzejuzarrean jaso ahalko dira: gaur (ostirala) 18:00etatik 20:00etara bitartean edo bihar (zapatua) lasterketa hasi aurretik, 8:00etatik 9:30era.

Dortsalarekin batera, Mallabiko produktuez osatutako opari poltsa jasoko dute partaideek.

Ibilbideak eta puntu estrategikoak

Ibilbide luzea (25km) 9:30ean hasiko da; ordu erdi beranduago laburra (16km), 10:00etan. Jarraian ibilbide bien mapa interaktiboak:

Laburreko partaideek 3 anoa-puntu izango dituzte: Zengotita (4.5km), Zengotitagaine (6.2km) eta Zengotita berriz ere (9.8km). Ibilbide luzekoek, aldiz, 5 anoa-puntu: Zengotita (4.5km), Zengotitagaine (6.2km), Zazpi Pago (10.2km), Oiz (13.3km) eta Zengotita (18.8km). Horrez gain, sorospen-puntua egongo da Oizen.

Lasterketaz aparteko ekitaldiak

7 Pago Kultur Elkarteko kideak ez dira trail-aren antolaketara mugatu. Horren bueltan, egun osorako ekitaldi sorta prestatu dute; partaide edo ez partaide; haur, gazte zein nagusientzat: