Nahia Rojo eta Ander Prol, biharko PodGazteko gonbidatuak

Ander Gomez 2024ko abe. 7a, 08:05

Ander Prol eta Nahia Rojo Jon Gomez Garai aurkezlearekin. Argazkia: Gaztedi Durangaldea.

Durangaldeko gazteei zuzendutako eta Mallabiko eta Ermuko Udalek sustatutako podcasta da PodGazt. Igandero atal bat kaleratzen dute eta aste honetako gonbidatuak Nahia Rojo eta Ander Prol ermuarrak izango dira. Gaur egungo gizarte aldaketez arituko dira solasean, batik bat, sexologiaren eta genero-teoria sozialen inguruan.

Igande honetan (abenduaren 8an) PodGazt podcastaren 13. atala argitaratuko da eta bi ermuar izango ditu gonbidatu: Nahia Rojo Bustindui sexologo eta psikologoa; eta Ander Prol González sexu-hezitzaile eta kazetaria.