Martxoaren 8ko kultur eta protesta ekitaldiek utzitako argazkiak

Drogetenitturri 2025ko mar. 10a, 13:15

Zapatua suertatu da aurten Martxoaren 8a eta denetariko ekintzak izan dituzte Ermuko eta Mallabiko emakumeek asteburuan zehar: elkarretaratzeak, bazkaria, kontzertua, antzezlana, manifestazioa... Guztia argazki-galerian ikusgai. Irudiak: Lorea Arregi, Esti Arrizabalaga, Ermuko Udala, Mallabiko Udala, Errotabarri Eskubaloia eta Nushu Gazte Feministak.

Segidan, Ermuko eta Mallabiko Udalen adierazpen instituzionalak:

Ermuko Udala


Mallabiko Udala

Gaur, 2025eko martxoaren 8a, Emakumeen Nazioarteko Eguna dela eta, Beijingo Adierazpena eta Ekintza Plataforma adopzioaren 30. urteurreneko ospakizunarekin bat egin nahi dugu. 1995ean Beijingen egin zen Emakumeari buruzko IV. Mundu Konferentzian adostutako akordioek genero-berdintasuna, emakume eta neska guztien ahalduntzea eta giza eskubideak gauzatzeko munduko ibilbide-orria abian jarri zuten.

Euskal udalek genero-berdintasunaren lorpena bizkortzeko mundu-mugimenduarekin bat egin dute, emakumeen eta nesken ahalduntzearen eta emakumeen eskubideen defentsaren aldeko apustua eginez. Tokiko eremutik arlo kritiko globaletan aurrera egiten laguntzeko, Mallabiko Udalak ondorengo konpromisoak hartuko ditu:

  • Sustapen-egiturak baliabide eta langile nahikoz hornitzea, berdintasunerako eta indarkeria matxistaren aurkako borrokari buruzko politikak garatzeko, Berdintasunerako Politika Publikoen Kalitate-Estandarren arabera.
  • Emakumeen elkartegintza eta elkarte feministak sustatzea, horien bidez, berdintasun politika publikoetan, emakumeak solaskideak izan daitezen eta eragin dezaten.
  • Zainketen ekonomia eraldatzeko tokiko prozesuak abian jartzea, ikuspegi feministatik.
  • Berdintasunaren eta indarkeria matxistaren aurkako borrokari buruzko tokiko ekintza-planetan jasotako agenda feministen gaineko kontuak ematea, aldian-aldian.

Gora Borroka Feminista!!!


Ermuko Koordinaketa Feminista

Ermuko talde feministen (Emakumeen Asanblada, Colibres, Zipriztintzen eta Nushu Gazte Feminstak) komunikatua irakurtzeko egin klik hemen.