Astelehenean hasi ziren lehenengo elikagai paketeak jasotzen eta etzi (martxoaren 28a) izango da janaria dohaintzan emateko azken eguna.
Mallabian
Makarroiak jasoko dira Mallabian, *hodi formakoak bakarrik. Bilketa-puntuak eskolan eta udaletxean bertan jarri dituzte.
Ermuan
Arroz luzea jasoko da Ermuan eta hauek dira bilketa puntuak: Jubiletxea, Parriaundi okindegia, Beta argiztapena, BM eta Eroski. Horiez gain, eskoletan, ikastolan eta institutuan ere entregatu ahalko dira.
Laguntzeko beste aukerak
Zaporeak elkartetik janari bilketaz aparteko beste aukera batzuk ere jarriko dituzte herritarren eskura: Martxoaren 30ean (domeka honetan) Tuper Solidarioa ekitaldia egingo da Ermuan eta errifak ere salduko dira. Bi lagunentzako 10 afari eta artista debabarrendarrek egindako 10 artelan zozkatuko dira.
Proiektuaren inguruko informazio guztia Ermuko udaletxean egindako aurkezpenean eman zuten. Irakurri albistea hemen.
